எனக்காக பஞ்ச் டயலாக் வேண்டாம். என்னை பாராட்டி பேசுகிற டயலாக் வேண்டாம். எனக்காக எந்த ஸ்பெஷலும் வேண்டாம். டைரக்டர் படத்துல என்ன வரணும்னு நினைக்கிறாரோ, அதை செய்யட்டும். எனக்காக எதையும் மாற்றிக்க வேண்டாம் என்று அண்மைக்காலமாக அஜீத் அறிவிக்கும் கட்டளைகள், சினிமாவுலகத்தில் அதிசயமாக பார்க்கப்பட்டு வருகிறது. நேத்து முளைச்ச காளானெல்லாம் எனக்கு பஞ்ச் டயலாக் இல்லையா என்று குடைச்சல் கொடுத்து வரும் இந்த காலத்தில் இப்படியும் ஒரு மனுஷனா என்றெல்லாம் அவர் சம்பந்தப்பட்ட படக்குழுவினர் திருஷ்டி கழித்து பூசணிக்காய் உடைத்துக் கொண்டிருக்கிறார்கள் தினந்தோறும்.

இந்த நிலையில்தான் சால்ட் பெப்பர் லுக் யாருக்கு சிறப்பாக இருக்கிறது? என்கிற போட்டியை இந்தி மொழியில் வரும் இணையதளம் ஒன்று நடத்தியிருக்கிறது. அதில் அக்‌ஷய் குமார், அமீர் கான், மிலன், ஹாலிவுட் நடிகர் ஜார்ஜ் க்லோனி ஆகியோரின் பெயர்களுடன் அஜீத்தின் பெயரையும் இணைத்திருந்தது அந்த இணையதளம்.

ரிசல்ட்?

சுமார் 71 சதவீத வாக்குகளை வாங்கி முன்னணியில் இருக்கிறார் அஜீத்! மிளகு தூக்கலா ஆம்லெட் சாப்ட்டா மாதிரியிருக்குமே அவரது ரசிகர்களுக்கு!