நான், சலீம், இந்தியா பாகிஸ்தான் படங்களை அடுத்து ஒரே நேரத்தில் பிச்சைக்காரன், சைத்தான் படங்களில் நடித்து வருகிறார் விஜய் ஆண்டனி. இந்த இரண்டு படங்களுமே பாதி படப்பிடிப்புக்கு மேல் படமாகி விட்டது. ஆனபோதும், இரண்டில் பிச்சைக்காரனே முதலில் தொடங்கப்பட்டதால் அப்படமே முதலில் திரைக்கும் வருகிறதாம்.

மேலும், இந்த படங்களை அடுத்து திருடன் என்ற படத்தில் நடிக்கிறார் விஜய் ஆண்டனி. இந்த படத்திற்கு கதைப்படி திருடன் என்பதுதான் பொருத்தமாக இருக்கும் என்பதால், அதையே வைத்து விட்டனர். ஆனால், அந்த டைட்டீலை முறைப்படி பதிவு செய்ய சென்றபோது, யாரோ அதே டைட்டீலை பதிவு செய்து வைத்திருக்கிறார்களாம்.

அதனால், அந்த டைட்டீலை பயன்படுத்தினால் படம் திரைக்கு வரும்நேரத்தில் பிரச்சினை வரும் என்பதால், இப்போது அந்த திருடன் படத்துக்கு ஹிட்லர் என்று பெயர் மாற்றம் செய்ய விஜய் ஆண்டனி முடிவு செய்திருப்பதாக கூறப்படுகிறது.